நம் நெடுநாளைய கனவு - பட்டதாரி வேட்பாளர்

Share |

இவர் பெயர் சந்திரன். இவர் பிறந்த ஆண்டு 1920. இவர் பட்டம் பெற்ற ஆண்டு 1940. தன்னுடைய 90வது வயதில் இவரை நாங்கள் சந்தித்த இடம் ஈகா திரையரங்கின் எதிர் உள்ள சென்னை 5வது மண்டல அலுவலகத்தில். இந்த வயதில் கீழ்பாக் கார்டனில் அமைந்திருக்கும் தன்னுடைய வீட்டில் இருந்து நடந்தே வந்திருந்தார் அவர்.

திரு சந்திரன் அவர்களின் பட்ட சான்றிதழை பார்த்த ஒரு நண்பர், 'அந்த காலத்துல பட்டம் வாங்குறதெல்லாம் சாதாரண காரியம் இல்ல' என்றார்.1940ஆம் ஆண்டு பட்டதாரி ஆனது நிட்சயம் பெரிய காரியம். ஆனாலும் அதனை விட சிறப்பான காரியம் அவர் இன்று ஆற்ற வந்திருக்கும் தன் ஜனநாயக கடமை.

என்ன அந்த ஜனநாயக கடமை? எதற்காக அவர் இவ்வளவு சிரமப்படுகிறார்?
தமிழக அரசால் தற்பொழுது அறிவிக்கப்பட்ட மேலவை தொகுதிக்கு தன்னை வாக்களானாக இணைத்துக்கொள்வதே அந்த ஜனநாயக கடமை.

மேலவை - ஒரு பார்வை - மேலவை பற்றி அதிகம் தெரியாதவர்களுக்கு:
மேலவையில் மொத்தம் இருக்க வேண்டிய உறுப்பினர்களின் எண்ணிக்கை - 78. (26 - சட்டசபை உறுப்பினர்களால் தேர்ந்தடுக்கபடுபவர்கள், 26 - கவுன்சிலர்கலாள் தேர்ந்தடுக்கபடுபவர்கள், 12 - ஆளுனரால் சட்டசபையின் பரிந்துரையில் தேர்ந்தடுக்கபடுபவர்கள், 7 - ஆசிரியர்கள் தொகுதியில் தேர்ந்தடுக்கபடுபவர்கள், 7 - பட்டதாரிகள் தொகுதியில் தேர்ந்தடுக்கபடுபவர்கள்).

ஒரு பட்டதாரியோ/பட்டயப் படிப்பு வாங்கியவரோதான் நம்மை ஆள வேண்டும் என்ற நம் கனவின் ஆரம்பமே இந்த பட்டதாரிகள் தொகுதி.

பட்டதாரிகள் தொகுதியில் தங்களை இணைக்க ஒரே தகுதி:
தங்களுடைய பட்ட/பட்டய படிப்பை நவம்பர் 2007 முன்னதாக முடித்திருக்க வேண்டும்.

பட்டதாரிகள் தொகுதியில் இணைத்துகொள்ள:
1. இங்கு இணைக்கப்பட்ட படிவம் - 18 பூர்த்தி செய்யுங்கள்.

2. பட்டம் பெற்றதர்கான சான்றின் அசல் மற்றும் நகல் (பட்டப்படிப்பு சான்றிதழ், மதிப்பெண் தாள், ...... - ஏதேனும் ஒன்று)
3. தற்போது தங்கியிருக்கும் இடத்திற்கான இருப்பு சான்று அசல் மற்றும் நகல். ரேசன் அட்டை வைத்திருக்க வேண்டிய அவசியமில்லை.

மேற்கண்ட படிவங்களை உங்களுடைய தாலுக்காவிலோ அல்லது உங்கள் வசிப்பிடத்தின் மண்டல அலுவலகத்திலோ தாக்கல் செய்ய வேண்டும்.
பட்டதாரிகளின் தினசரி அலுவல்களை மனதில் வைத்து சனி, ஞாயிறான இந்த வாரம் 23, 24 மற்றும் அடுத்த வாரம் 30,31 ஆகிய தினங்களில் இந்த அலுவலகங்கள் திறந்திருக்கும்.

90 வயதில் எத்துனை அடி வேண்டுனமானாலும் எடுத்து வைக்க ஒருவர் தயாராக உள்ளார். ஒரு அடி எடுத்துனவைக்க நாம் தயாராக உள்ளோமா?

தங்களின் மண்டல அலுவலகம் எதுவென தெரிந்துகொள்ள இங்கே சுட்டவும் -
http://changesociety.org/frm/viewtopic.php?id=22

தொடர் விபரங்களுக்கும், கேள்விகளுக்கும் -
http://changesociety.org/frm/viewforum.php?id=4

-இது ஒரு மாற்றம் சமூகத்தின் முயற்சி.

http://changesociety.org/
எங்கள் முயற்சி தொடர இந்த பதிவை உங்கள் நண்பர்களிடம் பகிரவும்.